A pizza

Aproveitamos que se celebra o día mundial da pizza para ver este video e reflexionar sobre o despilfarro de alimentos

                                 

Calendario Competencial

De novo este ano, a Deputacion de Pontevedra publica uns calendarios competenciais tanto para infantil como primaria con actividades sans e entretidas para cada día.

(Para descargalos, picade nas imaxes)

Educación Infantil

Educación PRIMARIA

A Candeloria, día dos namorados en Galicia

Hai un refrán que dí "Pola Candeloria, cásanse os paxariños e maila galiñola".
Nas antigas costumes galegas, ese día, era o día do amor.
O día 2 de febreiro celébrase o día Candeloria que ten orixe nos cultos pagáns e que acabou sendo cristianizado. Era a antiga festa da luz celebrada polos celtas (Brigantia) e tamén polos romanos (Lupercales).
O nome Brigantia deriva de Brighid o Brigid, deusa celta moi poderosa. Era a figura da nova lúa, da primavera anual e das correntes mariñas. Esta época do ano, era das purificacións e do lume sagrado que liberaba a terra, propiciando a fertilidade e o espertar do sol, despois do frío e gris inverno.
Os ritos de predicción e matrimonio celebrábanse nestas datas baixo a protección dos espíritos benéficos que visitaban a terra durante esta festividade.
Considerábase o remate do inverno, o festival de purificación para preparar o camiño para o retorno da primavera e do sol. Brighid era honrada, poñendo unha candea en cada habitación ou en cada fiestra da casa.
Co paso do tempo e a mestura da cultura celta co cristianismo, esta festa do lume será homologada na celebración da Candeloria ou festa das Candeas.
O nome da Candeloria está orixinado pola procesión realizada dentro da igrexa con candeas benditas. Esta purificación virxinal e as candeas eran o antídoto cristián para a fertilidade romana e os fachos “lupercales”.
En Galicia non só era moi celebrada esta festa dentro do relixioso, senón que, no ámbito agrario, se celebraba o “casamento dos paxariños” . Di un refrán que “a partir da Candeloria, ningunha ave voa soa”.

O sistema Braille

A data de 4 de xaneiro lembra o nacemento de Louis Braille, o creador do sistema de lectura e de escritura Braille, que permite a través do tacto facilitar a vida das persoas invidentes e a súa integración na sociedade.

Louis Braille quedou cego aos 3 anos de idade e aos 20 anos conseguiu formar un alfabeto con diferentes combinacións de 1 a 6 pontos que se espallou polo mundo e que aínda hoxe é usado como forma oficial de escritura e de lectura das persoas cegas.

Libros, folletos, medicamentos, cd's, dvd's, son algúns exemplos de produtos con impresión en Braille para facilitar a percepción do contido.

O Braille está composto por 64 sinais, grabadas en papel en relevo. Estas sinais están combinadas en dúas filas verticais e xustapostas, à semellanza de un dominó ao alto. A lectura faise da esquerda para a dereita.

Actividades

- Intentar facer con punzóns nunha cartolina, un alfabeto braille.

- Escribir e ler unha mensaxe en braille.

- Facer un debuxo dun personaxe do noso conto favorito.

- Unha vez repasados os números en braille, intentar, cos ollos pechados, picar no botón do ascensor segundo o sistema.

(Día Mundial do Braille)

Hoxe falamos coma piratas!

O 19 de setembro celébrase o día de falar coma piratas.

Para iso podemos realizar diferentes actividades que poden resultar ben divertidas:

* Falar coma un pirata todo o día e convidar aos demais a que o fagan.

* Facer mapas para procurar tesouros.

* Vestirse coma un pirata.

* Organizar unha festa de piratas.

* Ver algunha película de piratas.

* Xogar un pouquiño algún videoxogo de piratas. 

E tamén escoitamos unha canción

O punto

Que é o punto?

O punto é un signo de tamaño moi pequeno, de forma circular, que resulta visible polo contraste de cor ou relieve sobre unha superficie.

Tamén é un signo de puntuación.

Hoxe lembramos un clásico infantil que vai de dous puntos moi especiais...

O mellor dun conto e lelo pero tamén podemos escoitalo

A man zurda

                                                                                   

13 de agosto, Día Mundial das zurdas/os.

Foi celebrado por primeira vez o 13 de agosto de 1976 e ainda de ser conmemorado anualmente neste día desde entón, só foi declarado oficialmente polo club británico Left-Handers Day Club na década dos 90.
O obxectivo era protestar contra a discriminación sufrida no mundo e divulgar as ventaxas e desventaxas de ser zurdo.

Tan grande coma un elefante

O programa das Nacións Unidas celebra a maxestuosidade do animal terrestre máis grande do planeta: o elefante.

Este día, é coñecido mundialmente como World Elephant Day, que procura a preservación dos elefantes de todo o mundo.

Cada quince minutos morre un elefante en África, envenenado o cazado polo seu marfil e pola súa carne.

En China o marfil costa máis ca o ouro.

Se non se toman medidas, prevese que, desgraciadamente, o elefante estea extinto no ano 2025.

A ONU insiste na necesidade de acabar co furtivismo que atende demandas de marfil ilegal procedente das crecentes economías de Asía.

Cada ano, entre 20.000 e 25.000 elefantes africanos son abatidos polos seus colmillos, dunha poboación de 650.000 exemplares.

En canto aos elefantes asiáticos, existen menos de 40.000 exemplares.

Neste día podemos:

- Unirnos a un evento para a protección dos elefantes na súa web oficial desta data.

- Asistir ao premiado documental "Return to the Forest".

- Vestir con roupa con deseños de elefantes.

- Deseñar un elefante e colocar o deseño online (20 mil deseños equivalen a 150 mil dólares na axuda aos elefantes.

- Facer donativos a entidades de protección dos elefantes.

- Divulgar a data nas redes sociais e promover a protección dos animais.

12 de agosto, Día Mundial do Elefante.

Música

Sempre é un bo momento para escoitar e celebrar a música. Neste caso con un pouco de humor.

Día Europeo da Música

Un picnic

Un picnic é unha forma de disfrutar comendo fóra da casa, xa sexa coas nosas amizades, familiares ou coa clase do cole. Calquera lugar é ideal para disfrutar do bo tempo ao aire libre e saír do de sempre, cambiando a luz artificial por luz natural, cos sons, as vistas, o vento, a brisa, os aromas e as cores que nos ofrece a natureza.

Unha das vantaxes do picnic é a súa gran variedade xa que se pode facer onde queiras: no campo, na praia, na piscina, no río, no parque, nas montañas ...

E no momento que se queira: para o almorzo, o xantar, merenda ou cea.

E como queiras, dende o máis sinxelo ata o máis sofisticado.

Unha vez decidido onde e a que hora do día facer o picnic, só teremos que decidir que comida levar.

Qué temos que ter en conta?

Dependendo de onde imos, debemos ter en conta unha serie de puntos que facilitan a tarefa: - Se estamos nun parque debemos situarnos preto dunha fonte de auga potable onde refrescarnos, se estamos no campo ou nas montañas, intentamos facelo preto dun río, para poder refrescarnos de cando en vez. - Atopa unha boa sombra para comer, baixo unha árbore, baixo un paraugas de sol ... - Levar roupa e calzado cómodo. - A bebida é un punto moi importante a ter en conta xa que a calor do verán faranos perder moito líquido que teremos que substituír se non queremos deshidratarnos. A comida ideal para facer un picnic debe ser sinxela e fácil de transportar. Qué alimentos son boa opción para un picnic de verán? Unha boa tortilla de patacas é a comida estrela, xa que sempre sabe máis rica cando se come ao aire libre. Tampouco deben faltar filetes de tenreira, embutidos como chourizo, salami, solomillo, serrano ou xamón de York. Bocadillos variados ao noso gusto, xamón e queixo, ensalada, verduras... ou empanadas de carne, atún, polbo, marisco... o que máis vos guste, son fáciles de transportar e comer. Croquetas, empanadas e ensalada rusa e/ou diferentes queixos. Tampouco debería faltar bos panes para acompañar a comida. Un par de ensaladas cos ingredientes que máis nos gustan, leituga, tomate, atún, cebola, pemento vermello e verde, queixo, aguacate, ovo duro, pataca cocida, aceitunas, encurtidos, tomates cherry ... Algunhas patacas fritas tipo tipo merenda, nachos, pipas... e algúns doces. A froita é a mellor opción para a sobremesa, elixe a que máis che guste e lavaa ben. Beber iogures tamén son unha boa opción de sobremesa, xa que podemos mantelos frescos con xeo e presentan sabores moi variados e ricos. O xeo é moi importante en calquera picnic, tenta traelo para que todo estea moi ben no momento de comer, podes mercalo en calquera gasolineira que estea preto do lugar onde vas facer o picnic, sempre mellor que faltar. Bebida moi fresca e abundante, auga, zumes, refrescos e se o desexas tamén podes escoller cervexa, sangría, preferiblemente viño branco ou rosado máis fresco ... e non esquezas o refresco.

Actividades

A máis importante e interesante é organizar o picnic comezando por elixir a data, o lugar (confeccionar un mapa do lugar sinalando sitios onde facer actividades, xogos), facer a lista do que levaredes, distribuir tarefas, compartir....

O 18 de xuño celébrase o Día Internacional do picnic.

Os Bombeiros

4 de maio, Día Internacional do Bombeiro e Bombeira  

 

Crebacabezas

Para facer infinidade de crebacabezas online

Día Internacional do Bico

Hoxe celébrase o Día Internacional do Bico.
A pesar de que nestes dias non podemos bicarnos, os bicos sempre teñen que ser unha mostra de agarimo que nos faga sentir ben.
Hai moitas clases de bicos: de dar as grazas, de boas noites, de hasta logo, de ledicia, de inuit, de bolboreta, de quérote moito, de despedida...

Marc Chagall era un pintor que lle regalou un ramo de flores a súa moza polo seu aniversario e sentianse tan ben que decidiu pintar un cadro dese dia.
O título do cadro é "O aniversario" pero é máis coñecido por "O bico" de Marc Chagall.

Se alguén quere colorear o cadro, pode picar na imaxe e descargalo

E lembrade sempre: 

                                           

Xogamos á escoba

Sempre é divertido xogar ás cartas.!

Se picas na imaxe poderas ler en que consiste o xogo da escoba e como se xoga.

Sorte!

Calendario Competencial

 Outro ano máis, a Deputacion de Pontevedra publica uns calendarios competenciais tanto para infantil como primaria que poden axudar tanto a pais como docentes.

         

         

Día Mundial do Monicreque

O Día Mundial do Monicreque ou/e Títere celébrase tal día coma hoxe cada ano.

O seu principal obxectivo é dar a coñecer a figura emblemática do monicreque como parte do desenrolo cultural dos pobos 

O monicreque máis famoso do mundo é a personaxe de Pinocho.

                   

                                                      

Nós, afortunadamente, cada ano temos moi preto o Festival Internacional de Títeres de Redondela que se celebra habitualmente no mes de maio ainda que o ano pasado, co gallo da pandemia, pasouse ao mes de setembro. Este ano non se sabe como e cando se organizará.

ACTIVIDADES QUE PODEMOS FACER

- Fabricar un monicreque como o de arriba ou calquer outro.

- Ver un filme de titeres.

- Facer figuras de sombra na parede coas mans.

- Montar un teatriño, crear unha obra e personaxes e representala.

Dia Internacional da Muller

 Deixamos ligazón por se queredes información sobre o Día Internacional da Muller que se celebra hoxe.

Actividades que podemos facer neste dia, ou noutros, ou/e tódolos días..

- Apadriñar unha nena a través dalgunha organización/asociación

- Colaborar con algunha asociación local que atenda mulleres con necesidades, veciñas..

- Ler e/ou contar historias de mulleres da nosa familia ou mulleres galegas (100 mulleres galegas)

- Axudar na casa facendo tarefas

- Ler algúns contos en referencia a igualdade. Deixamos ligazón á guia AQUI 

- Chamar por teléfono a unha ou varias amigas para saber delas, se están ben.. falar

Día Nacional do Pixama

O Día Nacional do Pixama celebrase tradicionalmente o 20 de novembro.

Este dia ten unha base lúdica, educativa e solidaria. A data defende o dereito de tóda a cativada a medrar no seo dunha familia, especialmente aos nenos e nenas que, por diferentes razóns, están separadas das suas familias biolóxicas. 

O día do pixama desexa promover o dereito de todos os pequenos a ter unha familia.

Intenta chamar a atención para o problema das nenas/nenos máis desprivilexiadas e aumentar o número de familias de acollemento, de forma que as que están separadas dos seus proxenitores poidan ser acollidas por persoas dispostas a darlles agarimo, amor e educación.

O Día Nacional do Pixama coincide coa celebración do Dia Universal dos Dereitos dos Nenos e Nenas.

Para conmemorar esta data, as rapazas/es hasta os dez anos poden ir vestidos con pixama as escolas e realizar diferentes actividades en pixama ao longo do día ata que voltan á casa.

Día mundial da bondade

A orixe deste día está no ano 1998 cando tivo lugar en Tokio a primeira conferencia do Movemento Mundial pola Bondade (World Kindness Movement).
O obxectivo era crear un mundo máis bondadoso e cheo de solidaridade.

Ideas sinxelas para poñer na práctica este día ( e tódolos demáis)

• Dar unha aperta a un descoñecido.
• Ofrecer unha flor a un coñecido.
• Axudar a alguén.
• Doar roupa, libros e/ou comida.
• Compartir o mando a distancia.
• Decir algo agradable a un veciño.
• Dar as grazas cando corresponde.
• Enviar um SMS amable aos amigos.
• Compartir unha larpeirada no traballo.

As buxainas, trompos, peóns, bailaretes...

A buxaina é un dos xoguetes máis antigos da humanidade. Algúns dín que dende a prehistoria e que surxiu coma imitación do mecanismo para facer lume.
A buxaina máis antiga que consta é de 4000 anos a.c., seica é de arxila. Os grandes impulsores foron os chineses e xaponeses.
A partires de aí e ao longo da historia, van aparecendo diferentes modelos de buxainas, trompos, peóns, bailaretes..



O trompo consiste nun corpo de forma cónica, cun saínte na base chamado espiga e terminado no pico cunha peza metálica chamada púa, puga, puia, pico ou rexón, a cal se apoia no chan cando xira.
Enrólase unha pequena corda chamada piola arredor del e logo lánzase con forza ao chan onde xira ou baila certo tempo ata que cae.


Así podemos topar distintas formas do xoguete nas variadas áreas de cultura.
Por exemplo en literatura xa son nombradas por Virxilio, Marco Aurelio, Platón.. pasando por Cervantes, Quevedo, Alarcón, Flaubert, Tolstoi, Dostoievski, Cortázar, Lewis Carroll, Verne, Kafka.. e así indefinidamente.



Na pintura en cadros coma "Xogos de nenos" de Pieter Bruehel O vello, "Rapaces xogando á buxaina" de José del Castillo, "O neno do bailarete" de Jean-Baptiste Chardín, "Buxaina" de Isabel Somoza, "A muller buxaina" de Miró..




Na música temos cancións infantis coma
"O peón" do albúm de Monolo rico Unha pulga e un pulgón (1982)
"A buxaina brincadeira" do albúm Cantareliña de Saraibas (1983)
"O vals do trompo" do grupo Cri-Cri


No cine, o trompo, aparece en esceas de películas famosas coma "Titanic", "Xoana a tola", "Estación Central do Brasil" ou "Orixe" entre outras..












E en outras manifestacións culturais coma selos, zooloxía, publicidade e ata hai un museo en Burlington (EE.UU.)

Refráns..

Polo Pilar, buxainas a bailar.
Polo san Martiño, buxainas ao camiño.
Pola Santa Eulalia, peóns á borralla.
Polo San Amaro, buxainas no faiado.

Adiviñas..

Bailo sempre moi dereito
e cando empezo a cansar
tremo e quedo quieto no chan
ata que alguén me ven levantar.

Non teño pés nin mans
bailar é o meu destino
na palma son levado
e entreteño aos cativos.

Do ceo vino baixar
dando un brinco moi lixeiro
e sabe escribir e bailar.

Para bailar póñome a capa
para bailar vólvoa sacar
xa non podo bailar coa capa
e sen a capa non podo bailar.

Ligazóns

Amics de la baldufa
O Mundo das buxainas
Peonza