Calendario Competencial

 Outro ano máis, a Deputacion de Pontevedra publica uns calendarios competenciais tanto para infantil como primaria que poden axudar tanto a pais como docentes.

         

         

Día Internacional do Libro Infantil

Como todos os anos dende 1967, o IBBY (International Board on Books for  Young People) promove a celebración do Día Internacional do Libro Infantil o 2 de abril, conmemorando o nacemento de Hans Christian Andersen. 

Este ano correspóndelle á sección de Estados Unidos que difunde a mensaxe da escritora Margarita Engle (co título de "A musica das palabras"), ilustrado por Roger Mello.

É unha poeta cubanoamericana que obtivo numerosos premios polas suas obras infantis.

                                                                     

 

Día Mundial da Auga

 

Día Mundial do Monicreque

O Día Mundial do Monicreque ou/e Títere celébrase tal día coma hoxe cada ano.

O seu principal obxectivo é dar a coñecer a figura emblemática do monicreque como parte do desenrolo cultural dos pobos 

O monicreque máis famoso do mundo é a personaxe de Pinocho.

                   

                                                      

Nós, afortunadamente, cada ano temos moi preto o Festival Internacional de Títeres de Redondela que se celebra habitualmente no mes de maio ainda que o ano pasado, co gallo da pandemia, pasouse ao mes de setembro. Este ano non se sabe como e cando se organizará.

ACTIVIDADES QUE PODEMOS FACER

- Fabricar un monicreque como o de arriba ou calquer outro.

- Ver un filme de titeres.

- Facer figuras de sombra na parede coas mans.

- Montar un teatriño, crear unha obra e personaxes e representala.

Día da Poesía

Hoxe celebramos, entroutros, o Dia da Poesía. 

Este día lémbranos a importancia da palabra poética e para espallala. A poesía pertence ao xénero lírico e non hai nada máis lírico que a nosa lingua.

E por iso que o celebramos con un agarimo especial. Vai no noso ADN.

Deixamos a portada dun libro de poemas de Salvador Ribadomar da editorial Nordés libros.

ACTVIDADES QUE PODEMOS FACER NESTE DIA E/OU TÓDOLOS DIAS

• Escribir un poema sobre o que sintes.
• Escribir poemas cos amigos.
• Declamar poesias.
• Reler os poetas e os poemas preferidos.
• Poñer música a poemas.
• Asistir a encontros de poetas.
• Asistir a filmes sobre poetas.
• Dicir ás persoas o que sintes por elas.
• Facer de cada xesto un poema. 

CINCO MOTIVOS PARA LER POESIA

Día Mundial da Árbore

Hoxe é o Día Mundial da Árbore e das Fragas.                                                                            

É unha lembranza da importancia de protexer as zonas con árbores e bosques. As árbores, entre outros moitos beneficios, transforman o dioxido de carbono, responsable do efecto invernadeiro e minimizan os riscos de inundación e evitan a erosión, entre outras moitas funcións.

Para saber máis das árbores, preme AQUI

                              (Bosque de secuoias en Poio-Pontevedra)

Actividades que podemos facer

- Plantar unha árbore

- Procurar informacion sobre distintas árbores

- Limpar unha zona dun bosque

- Damos un paseo por unha fraga e facemos fotos, despois facemos un albúm coas fotos e poñemos os nomes.

Primavera

 

Dia Internacional da Muller

 Deixamos ligazón por se queredes información sobre o Día Internacional da Muller que se celebra hoxe.

Actividades que podemos facer neste dia, ou noutros, ou/e tódolos días..

- Apadriñar unha nena a través dalgunha organización/asociación

- Colaborar con algunha asociación local que atenda mulleres con necesidades, veciñas..

- Ler e/ou contar historias de mulleres da nosa familia ou mulleres galegas (100 mulleres galegas)

- Axudar na casa facendo tarefas

- Ler algúns contos en referencia a igualdade. Deixamos ligazón á guia AQUI 

- Chamar por teléfono a unha ou varias amigas para saber delas, se están ben.. falar