O entroido é unha celebración cunha grande tradición en Galiza que non só lembramos polos disfraces senon tamén pola gastronomía característica desta época ou pola música e que non ten nada que envexar ós de Venecia ou Brasil.
Como está a celebrarse o Ano Internacional da Astronomía, acordamos entre todos facer o noso particular universo.
Así, haberá estrelas, luas, planetas, cometas…
Ós de sexto tocóunos ir de astronautas.
Andamos metidos en faena facendo os cascos coa técnica de forrar globos grandes con periódicos e logo pintalos e facerlle un burato para poder ver e tamén buscando toda clase de tubos e complementos para que quede como é debido.
Non pensedes que é un traballo fácil porque no primeiro intento xa explotaron algúns globos e hai que comezar de novo.
Eso sí, seremos uns astronautas do máis enxebre. Do país.
Unha vez pasada a festa deixaremos fotos para que se poida ver o noso traballo.
Despois de consultar tódalas las ligazóns, lembramos:
De onde ven a palabra "entroido"?
Que é un peliqueiro?
Lembras a receita dalgunha comida típica do entroido?
Que quere decir "astronomía?
Por que o ano 2009 é declarado ano internacional da astronomía?
Que é un telescopio?
Ningún comentario:
Publicar un comentario